Животот пишува романи: Бездомник добил половина милион долари на грепка

На бездомникот од Аспен, Мајкл Енгфорс му се насмевнала среќата кога на лотарија добил награда од 500.000 долари. Во ливчето вложил 10 долари.

 

- Мајкл никогаш не се откажа. Знаеше дека среќата ќе му се насмевне - изјавил Џереми Ковалис, директор во Центарот за бездомници во Аспен за телевизија од Денвер.

 

Инаку, Мајкл во последните неколку години се соочил со развод, проблеми со алкохолот, а ги загубил домот и работата.

 

Скромниот Енгфорс изјавил дека со парите ќе купи еден пар скии, но најпрво ќе се поврзе со ќерката која ја нема видено 20 години.