Само за Грција и Пендаровски постои „Влада во Скопје“
По обраќањето на претседателскиот кандидат на СДСМ Стево Пендаровски на партиската трибина во Универзалната сала, условувањето на македонската влада со „Влада во Скопје“ очигледно не е само термин кој го користи официјална Атина.
Имено, Пендаровски од говорницата во Универзална сала рече дека најголемиот непријател на самата македонска држава била т.н. Влада во Скопје
-Ако порано бевме сигурни дека нашите најголеми непријатели се надвор денеска ни е јасно на сите дека најголемиот непријател на самата македонска држава е т.н. Влада во Скопје, рече носителот на столбот Партнерства за демократска Македонија.
Терминот „Влада во Скопје“ досега го користеше само Грција во своето обраќање, а вечерва видовме дека на иста линија со Атина е и претседателскиот кандидат на СДСМ и очигледно целата опозиција. Што сакаше да каже Пендаровски и дали Фројдовски се издаде, останува отворено прашање.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
