Мицкоски: Власите секогаш давале придонес за општеството и неговиот развој

Претседателот на ВМРО-ДПМНЕ, Христијан Мицкоски упати честитка по повод 23 Мај, Национален ден на Власите. 

Во име на ВМРО-ДПМНЕ и во мое лично име го честитам 23 мај, Националниот ден на Власите, истакна Мицкоски.

„Власите се составен ден од Македонската историја и култура, секогаш давале придонес за општеството и неговиот развој.

Како идна влада ВМРО-ДПМНЕ ќе се посвети на засилен и забрзан економски развој, евроинтеграции и борба против корупцијата, процеси во кои ќе бидат вклучени и  Власите.

Следува враќање на државата кон народот, кон секој еден човек, да се чувствува безбедно, со еднакви можности и со ветувачка иднина.

За иднината мора да се работи, да се унапредува животниот стандард и економските прилики“, стои во честитката на Мицкоски.