Цената на суровата нафта порасна за осум проценти од почетокот на јануари, достигнувајќи вредност над 66 долари за барел. Ваквиот скок е директна последица на проблемите со снабдувањето од Казахстан, но и на сериозните закани за напади на САД врз Иран, велат извори од Вашингтон за „Ројтерс“.
И покрај турбуленциите, групата ОПЕК+ планира во март да ја потврди одлуката за паузирање на нормализацијата на снабдувањето. Ова значи дека клучните извозници, вклучувајќи ги Саудиска Арабија и Русија, нема да пуштат дополнителни количини нафта на пазарот во текот на првиот квартал од 2026 година, со цел да се одржи стабилноста на цените во периодот на традиционално слаба зимска побарувачка.
Следната клучна средба на таканаречената „Г8“, која контролира половина од светското производство, е заказана за недела, 1 февруари, кога официјално ќе се разгледаат нивоата на производство.