Жителите на дел од улиците „Васил Ѓоргов“ и „Франклин Рузвелт“ денеска ќе се соочат со прекин во водоснабдувањето.
Причината е дефект на водоводна цевка со дијаметар од 200 милиметри на улицата „Васил Ѓоргов“, во близина на Заводот за вработување.
Според информациите од ЈП „Водовод и канализација“, прекинот ќе започне во 8:30 часот и ќе трае сè додека екипите целосно не го санираат дефектот.
Од претпријатието апелираат до корисниците за разбирање додека траат интервенциите на терен.