Кандидатот за градоначалник на општина Кавадарци, Митко Јанчев објави победа уште во првиот круг.
„По трет пат Кавадарци избра работа, чесност и резултати! Соодноста е неверојатна – 7:1 за работа, чесност и резултати! Оваа победа не е само моја, ова е победа на народот, на сите кои веруваат во подобро утре, во фер и посветена работа, во силна Македонија“, напиша Јанчев во објавата на Фејсбук.
Тој на граѓаните им се заблагодари од срце за огромната поддршка, за довербата и љубовта што му ја покажале.
„Голема чест е повторно да го имам вашиот глас и вашата вера во мене и во тимот. Голема благодарност и честитки до советничката листа на ВМРО-ДПМНЕ, до сите кои застанаа зад оваа победа, со работа, со идеја, со срце и душа“, порача Јанчев.
Додаде дека ќе продолжат уште посилно, со истата љубов и со уште поголема одговорност.
„Кавадарци да биде пример за развој, чесност и успех! За Кавадарци, за Македонија, со срце и душа!, пишува Јанчев во својата објава на Фејсбук.