Вишиот суд во Белград му одреди притвор до 30 дена на Зоран Р. (23), осомничен дека на 16 февруари, заедно со засега непознати лица, извршил кривични дела изнуда во обид и предизвикување општа опасност за Богдан Илиќ.
Одреден му е притвор за да не влијае врз сведоците и да се спречи да го повтори кривичното дело за краток временски период, соопшти судот.
На сослушувањето пред вршителот на должноста јавен обвинител, осомничениот се бранел со молчење, односно го искористил своето законско право да не даде одбрана, соопшти претходно Вишото јавно обвинителство во Белград.
Вишото јавно обвинителство во Белград, во соработка со Управата за криминалистичка полиција при Министерството за внатрешни работи на РС, продолжува да работи на разјаснување на овој и сите поврзани настани, како и на идентификување на сите сторители со цел понатамошно гонење.
По неговото апсење, Министерството за внатрешни работи објави дека Зоран Р. е осомничен дека намерно предизвикал пожар во возило „Мерцедес Г 800 Брабус“ во сопственост на Богдан Илиќ, попознат како Баба Прасе, на 16 февруари во 3:26 часот наутро во Белград, на улицата Херцеговачка.