Хрватското Министерство за внатрешни работи издаде важно известување до граѓаните на земјите од Западен Балкан, меѓу кои и Северна Македонија, дека од 12 октомври стапиле на сила нови правила за преминување на границите со Европската Унија.
Од почетокот на примената на Европскиот систем за влез и излез (EES), граѓаните на Македонија, Србија, Црна Гора, Албанија, Босна и Херцеговина и Косово ќе мора да влегуваат во ЕУ преку посебно означени ленти (EES) на граничните премини, наменети исклучиво за патници од трети земји.
„Ќе има посебни ленти за влез и излез на EES за патниците од трети земји кои подлежат на EES системот,“ соопшти хрватското Министерство за внатрешни работи.
EES системот има за цел да ја засили електронската и безбедносната контрола при влез во Европската Унија. Граѓаните кои не се членки на ЕУ, но имаат право на безвизен влез, ќе треба да остават лични податоци, отпечатоци од прсти и фотографија при преминување на границата.
Хрватското МВР предупреди дека некои патници веќе се соочиле со проблеми и парични казни бидејќи користеле ленти означени со „пасош на ЕУ“ наместо оние со ознака EES, кои сега се задолжителни за сите патници од регионот.
Новите правила важат за граѓаните на 59 земји на кои не им е потребна виза за влез во Европската Унија, меѓу кои и државите од Западен Балкан