Седум противпожарни возила и 19 пожарникари интервенирале синоќа во скопската населба Жданец каде што горела барака, информираат од Центарот за управување со кризи (ЦУК).
Според податоците од ЦУК, акцијата за гаснење на пожарот траела од 23:35 до 01:30 часот по полноќ.
Огнот зафатил барака со површина од 80 метри квадратни, која се наоѓала на истоимената улица „Жданец“, при што пожарникарите успешно ја локализирале и ликвидирале стихијата.