Мицкоски и ВМРО дојдоа на власт со лаги, ветуваа подобрување на нашата преговарачка позиција, но нема подобри услови, нагласи претседателот на СДСМ, д-р Венко Филипче, на денешната прес- конференција. Филипче посочи дека по две години од мандатот на Владата на ВМРО, јасно е дека ниту едно ветувањe не е исполнија.
„Христијан Мицкоски и ВМРО дојдоа на власт со лаги. Ветуваа подобрување на нашата преговарачка позиција, ветуваа менување на преговарачката рамка, гаранции, понатаму уставни измени со одложено дејство. И сега е јасно, така како што укажувавме целиот изминат период – такви гаранции е невозможно да се добијат. Одложено дејство на уставните измени едноставно нема. И тоа беше лага со која што и Христијан и неговата банда ја манипулираа јавноста“, рече Филипче.
Тој додаде дека тоа СДСМ го зборуваше изминатиов период вчера го потврди и претседателот на Европскиот Совет, Антонио Кошта, а Мицкоски упорно ја манипулира јавноста.
„И сега кога и самиот Антонио Кошта го потврди она што ние го зборуваме со години наназад, Мицкоски и неговата пропагандна машинерија продолжуваат со лажни вести и да широт лаги“, рече Филипче.
На прес-конференцијата, претседателот на СДСМ, нагласи дека вчерашните пораки од претседателот на Европскиот Совет Кошта, се јасни и недвосмислени – единствениот пат за продолжување на европските интеграции се уставните измени.
„Вистината излезе на виделина, нема дополнителни гаранции, нема дополнителни услови, постојат само уставни измени, се друго е само измислица и само една кампања“, рече Филипче.