Градоначалникот на Општина Штип, Иван Јорданов, денес потпиша Решение за реализација на проектот „Социјална сигурност за стари лица”, со кој Општина Штип обезбедува финансиска помош во износ од 6.000 денари за 100 пензионери со најниски примања од нашата општина.
Оваа поддршка е дел од Програмата за социјална, детска и здравствена заштита за 2025 година, а се однесува на пензионерите кои се регистрирани во Меѓуопштинскиот центар за социјални работи како пензионери со најниски примања.
Главната цел на оваа иницијатива е подобрување на финансиската состојба на пензионерите во пресрет на Новогодишните и Божиќните празници, со што Општина Штип ја потврдува својата посветеност кон поддршка на најранливите категории граѓани.