Во текот на вчерашната ноќ убиен е турски државјанин во Скопје, информираше пред малку министерот за внатрешни работи, Панче Тошковски. Рече дека во инцидентот учествувала поголема група на граѓани.
-Во конкретниот кривично правен настан согласно информациите што ги добив имаме едно лице коешто е починато, едно коешто е потешко повредено, рече Тошковски, додавајќи дека во инцидентот искористен бил нож.
Истражните органи имаат едно осомничено лице, кое во моментов е во бегство. Тошковски не сакаше да даде повеќе детали за да не ја наруши истрагата.
Во одделен случај, двегодишно дете се бори за живот. Според одредени информации, детето имало прострелна рана во главата. Меѓутоа, Тошковски не сакаше да шпекулира и рече дека во моментов сѐ уште се истражува која е точната причина за повредата.