Author: Author 03

Според податоците на Државната изборна комисија, излезеноста во Куманово до 17 часот е 35,16 проценти.  Претседателката на ОИК Куманово, Кристина Цветковска, информираше дека процесот се спроведува непречено, тековно.   Право на глас имаат 94 041 гласач, со што Куманово е општина со најголем број избирачи кои ќе гласаат на 164 избирачки места. Во општина Липково гласасњето се спроведува непречено, информираше претседателката на ОИК, Ајше Демири. Според ДИК, до 15 часот излезноста е 34,81 проценти. Според податоците на ДИК во општина Липково има 26 362 гласачи кои гласаат на 36 места. Во општина Старо Нагоричане гласањето е тековно, изјави претседателот на…

Во Неготино до 17 часот гласале 7 173 гласачи или 45,11 отсто од избирачите, сподели за МИА, Елизабета Камчева, претседателка на Општинска изборна комисија. Во Избирачкиот список, евидентирани се вкупно 15 902 граѓани со право на глас, на 28 избирачки места, додаде Камчева. На овие локални избори, пред неготинци се тројца кандидати за градоначалник и шест советнички листи, со кандидати за советници во Совет на Општина Неготино

Од МВР за Пресс 24 со детални информации за апсењето на избирачко место во Чаир. Поради непочитување наредба на овластени службени лица и утврдување на идентитет приведени се две лица во двор од основно училиште на подрачје на Чаир во Скопје. Станува збор за Ф.Е. (35) и Н.Е. (44). Имено, лицата не биле вклучени во изборниот процес, а се претставувале како набљудувачи на изборниот процес, биле во дворот од училиштето и одбиле да се легитимираат. Се преземаат мерки за расчистување на случајот, информираат од МВР за Пресс24.

До 17 часот на денешното гласање на првиот круг од локалните избори, своето право на глас го искористиле 39,61 проценти од запишаните гласачи во избирачкиот список. Државната изборна комисија информираше дека добиле податоци од 3221 избирачки места каде право на глас имаат 1 699 296 гласачи. Најголема излезност има во: Вевчани 61,84 % Дебарца 53,41 % Демир Капија 57,65 % Дојран 60,91 % Зелениково 52,77 % Карбинци 50,25 % Конче 55,13 % Крива Паланка 56,01 % Кривогаштани 52,33 % Крушево 60,31 % Најмала излезност има во: Шуто Оризари 30,38 % Радовиш 31,57 % Маврово Ростуше 25,89 % Пласница 32,87 %…

До 17 часот на денешното гласање на првиот круг од локалните избори, своето право на глас го искористиле 39,61 проценти од запишаните гласачи во избирачкиот список. Излезеноста во скопските општини до 17 часот: Аеродром е 39,32 % Бутел 42,29 % Гази Баба 35,55 % Ѓорче Петров 37,73 % Карпош 42,86 % Кисела Вода 39,37 % Сарај 47,94 % Центар 42,35 % Чаир 45,09 % Шуро Oризари 30,38 %

Едно лице загина, а две се повредени при судир на автобус и патничко возило на патот Чачак-Крагуевац во Србија, јавуваат српските медиуми. Несреќата се случила денеска во 6:40 часот кај Бечањ, во Општина Чачак. Од српското Министерство за внатрешни работи за РТС изјавија дека се случил директен судир на двете возила. Според неофицијални информации, по судирот автобусот излетал од патот и удрил во електричен столб. Општата болница во Чачак информира дека едно машко лице по првичниот преглед е префрлено на одделението за ортопедија со тешки повреди. На местото на настанот се припадници на сообраќајната полиција, службата за итна помош и…

Премиерот Бенјамин Нетанјаху ќе ги свика своите врвни помошници на итен состанок попладнево за да разговараат за одговорот на Израел на нападот на Хамас врз војниците на ИДФ претходно денеска и неуспехот на групата да ги врати повеќето од преостанатите убиени заложници, изјави канцеларијата на еден од присутните министри за „Тајмс оф Израел“. Израелски воен претставник во меѓу време изјави дека може да се извршат нови воздушни напади врз Газа, по нападите врз Рафа на југ и Бејт Лахи на север во текот на денот. -Постои можност за повеќе напади, изјави претставникот за новинарите за време на онлајн брифинг, откако…

Американскиот претседател Доналд Трамп денеска изјави дека ќе ја намали американската помош за Колумбија затоа што претседателот на земјата „не прави ништо за да го спречи производството на дрога“. Во објава на социјалните мрежи, Трамп го нарече колумбискиот претседател Густаво Петро „нелегален шверцер на дрога“, кој, како што рече, има многу низок рејтинг на одобрување и е „многу непопуларен“. Тој го предупреди Петро дека „подобро да ги прекине своите операции со дрога или САД ќе го сторат тоа наместо него – не на убав начин“. Објавата е нов знак за тензии меѓу САД и еден од нивните најблиски сојузници во…

Член на избирачкиот одбор денеска е уапсен на избирачко место во просториите на Основното училиште „Имри Елези“ во општина Чаир, објави „Алсат“. Според информации од теренот, апсењето се случило за време на пауза, во моментот кога лицето излегло надвор да испуши цигара. Претседателот на избирачкиот одбор на ова избирачко место изјавил дека сѐ уште нема официјални информации за причините за апсењето, додека изборниот процес продолжил нормално. Надлежните органи се очекува да дадат повеќе детали во текот на наредните часови.

Украинскиот претседател Володимир Зеленски изјави дека Киев подготвува нови воени дејствија на фронтовската линија и решително одговара на секој руски напад. -Денеска добив извештаи од армијата и Службата за безбедност на Украина. Ситуацијата на фронтот, особено во секторот Покровск и соседните области, како и во Купјанск, пограничните области на Харковскиот и Сумискиот регион и во Запорошката област, е под контрола. Благодарен сум на секоја од нашите единици за нивната отпорност. Подготвуваме одредени чекори на фронтот и одговараме на секој руски напад, рече Зеленски во своето редовно видео-обраќање до нацијата. Зеленски истакна дека разговарал за зајакнување на капацитетите за долг дострел…