Осумдесет и тригодишен скопјанец бил спасен од давење во реката Вардар на подрачјето на Карпош, информира Министерството за внатрешни работи.
Според полицијата, на 12 јуни во 07:40 часот во СВР Скопје било пријавено дека околу 07:00 часот очевидец извлекол машко лице кое се давело во водите на Вардар. објави Скопје1.мк
Станува збор за Д.И. (83) од Скопје, кој, според информациите, имал здравствени проблеми.
На местото интервенирала екипа на Итната медицинска помош, која му укажала прва помош, по што бил пренесен во Градската општа болница „8 Септември“ за понатамошно лекување.
Увид на местото извршила увидна екипа од СВР Скопје.