Author: Author 03

Коалиција ВРЕДИ прогласи победа во првиот круг од локалните избори во неколку општини, меѓу кои Чаир, Сарај, Боговиње, Теарце, Желино и Арачиново. Според портпаролот на изборниот штаб на ВРЕДИ, Дритон Суљејмани, резултатите покажуваат „јасна поддршка за нова, чесна и одговорна политика“. -Денеска граѓаните проговорија јасно, со слободен глас и чист совест тие ставија крај на ерата на една измама и страв, отворајќи го патот за нова, чесна, одговорна политика блиску до граѓаните, изјави Суљејмани на прес-конференција. Тој остро ги критикуваше лидерите на НАИ, Али Ахмети, Арбен Таравари и Зијадин Села, обвинувајќи ги дека со месеци се обидувале да ги држат…

Виктор Паунов од ВМРО – ДПМНЕ по вторпат ќе биде градоначалник на Општина Карбинци. Тој вечерва прогласи победа, а според првичните информации за него гласале 1.376 граѓани, а кандидатката за градоначалник на СДСМ Љубица Соколовска освоила 527. Членовите на ВМРО – ДПМНЕ во Општина Карбинци веќе ја слават победа Дејан Владев од ВМРО – ДПМНЕ и во наредните четири години ќе менаџира со Општина Свети Николе. -Убедлива победа на ВМРО-ДПМНЕ. Градоначалник во прв круг. Мнозинство во Советот. Благодарам Свети Николе, напиша на својот фејсбук профил Владев.

Кандидатот на коалицијата НАИ за градоначалник на општина Чаир, Бујар Османи се огласи на својот фејсбук профил. Ккао што вели, најпрво сака да го изрази неговото задоволство од изборниот ден. „Оценувам дека имавме успешен изборен ден, без поголеми забелешки, и верувам дека тоа е важно да се потенцира. Сакам да изразам благодарност до сите соработници за време на целата кампања: активистите, партиските другари и коалиционите партнери, поддржувачите, форумот на жени и младинскиот форум. Навистина беше чест да се работи со посветеност и жртва, во процес во кој се создаде убава визија за Чаир, но и многу нови пријателства. Сепак, во…

Според првичните резултати во општина Дебар ќе има втор круг на гласање, а во трка за градоначалничката функција ќе бидат Фисник Меља, од ВРЕДИ поддржан од ВМРО-ДПМНЕ и Рамадан Имери, независен кандидат. Во штабот на ВРЕДИ се славеше убедливиот резултат во првиот круг во кој Меља, според изборниот штаб освоил 3226 гласови. Меља преку објава на Фејсбук се заблагодари на поддршката и напиша “Ти благодарам Дебар”. -Од срце ви благодариме, драги дебарчани, за довербата и поддршката! Оваа победа е ваша – победа на луѓето што веруваат и гласаат со срце за нашиот град. Продолжуваме уште посилно, уште пообединето, за Дебар…

Кандидатот за градоначалник на Струмица од ВМРО – ДПМНЕ и коалицијата, Петар Јанков, вечерва прогласи победа. Тој во своето обраќање истакна дека по 20 години падна бастионот на СДСМ во Струмица. -Според податоците од нашиот аналитички центар од обработените 82 отсто од обработените гласови ВМРО – ДПМНЕ води со 12.223 гласови наспроти противникот со 7.908 гласови. Тоа укажува на разлика од повеќе од 4.000 гласови. Очекувам во 17 избирачки места, кои не се обработени, овој тренд да продолжи. Затоа струмичани извојуваа убедлива победа, односно ВМРО – ДПМНЕ по долги години извојува убедлива победа во Струмица. Со тоа струмичани го соборија…

Кандидатот за градоначалник на општина Тетово Биљал Касами од ВРЕДИ прогласи победа на Локалните избори и им се заблагодари на граѓаните на Тетово. -Благодариме Тетово за Големата победа! Бескрајно благодарен. Се гледаме на плоштад во 22:30 часот, напиша Касами на својот Фејсбук профил.

Извесна е победата на ВМРО-ДПМНЕ во општините Илинден, Градско, Делчево, Демир Хисар, Јегуновце, Кавадарци, Карбинци, Ново Село, Охрид, Петровец, Прилеп, Радовиш. Извесна е победата на ДУИ во Гостивар, Пласница, Врапчиште, Липково. А Вреди убедливо победува во Теарце.

Иван Јорданов е старо-новиот градоначалник на Општина Штип. Вечерва само по час и половина од затварањето на 80.Избирачките места прогласи победа и со членовите, симпатизерите на ВМРО ДПМНЕ и граѓаните на Штип славеше на Градскиот плоштад „Слобода“. Јорданов се заблагодари на граѓаните на Штип, кои мирно, достоинствено и на демократски начин го дадоа својот глас на осмите по ред Локални избори. -Морам да истакнам дека огромната поддршка која ја добивме со некаде од околу 80% од гласачите кои излегоа на овие избори е една огромна одговорност, но исто така и легитимитет за сите проекти, коишто ги работиме во овој момент…

Според првичните резултати објавени досега од Државната изборна комисија (ДИК), кандидатот на ВМРО-ДПМНЕ и коалицијата за Град Скопје, Орце Ѓорѓиевски, води со освоени 41,04% од гласовите. Зад него се Башким Бакиу од ВРЕДИ со 17,05% и Скендер Реџепи од НАИ со 15,56%. Следуваат Амар Мециновиќ од Левица со 10,47% и Каја Шукова од СДСМ со 9,42%. Кандидатите на ВМРО-ДПМНЕ, исто така, бележат водство и во повеќето скопски општини. Во општина Аеродром, кандидатот Дејан Митевски од ВМРО-ДПМНЕ води со освоени 56,81 проценти од гласовите, пред кандидатот на СДСМ, Александар Трајановски, кој има 18,27 проценти. Во Гази Баба, водство има Бобан Стефковски…