Author: Author 03

Претседателот на Украина, Володимир Зеленски, соопшти дека денеска имал, како што рече, „добар разговор“ со специјалниот пратеник на претседателот на САД Доналд Трамп, Стив Виткоф, како и со зетот на Трамп, Џаред Кушнер. – „Ви благодарам за конструктивната, интензивна работа и за убавите зборови и божиќните честитки до Украинците. Работиме навистина 24/7 за да се приближиме до крајот на оваа брутална руска војна против Украина и за да ги направиме сите документи и чекори реалистични, ефикасни и сигурни,“ напиша Зеленски на Фејсбук. Тој додаде дека постојат добри идеи кои би можеле да доведат до заеднички исход и траен мир, пренесе…

Времето утре наутро ќе биде претежно облачно, а во крајните југозападни делови ќе има услови за слаби врнежи од дожд и снег. Во текот на денот се очекува променливо облачно време со повремени сончеви периоди. Ќе дува слаб до умерен ветер од северен правец, кој попладне наместа долж Повардарието повремено ќе засилува. Дневните температури ќе се движат во интервал од -2 до 10 степени. Во Скопје времето ќе биде променливо облачно со сончеви периоди, а попладне се очекува намалување на облачноста. Ќе дува слаб до умерен северен ветер, со температури од 2 до 7 степени. Во наредниот период следува стабилно,…

Традиционалната празнична прослава на Коледе во Лерин (Флорина) беше засенета од политичка интервенција, откако градоначалникот Василеос Гианакис издаде забрана за пеење на македонски јазик за време на настанот. Инцидентот се случил за време на настапот на музичкиот бенд „Ендопика“, кој планирал да ја изведе македонската народна песна „Софка на татко“. Според наводите, музичарите добиле јасно упатство од градските власти дека: – Забрането е пеење на македонски јазик.– Песната смее да се изведе исклучиво инструментално. Оваа одлука, според реакциите, го претвори културниот настан во пример на цензура и притисок врз македонското малцинство. За активистот за правата на Македонците во Грција, Павле…

Управниот одбор на Фондот на ПИОМ ја одржа својата 28-ма седница, на која беа донесени повеќе одлуки од негова надлежност. Седницата ја водеше заменик-претседателот на Одборот, Игор Китаноски, кој на почетокот му го даде зборот на директорот на Фондот, Никола Мемов, за да ги информира членовите за активностите реализирани помеѓу двете седници. Директорот Мемов истакна дека редовните активности на Фондот се одвиваат непречено и без проблеми, при што посочи дека на 1 декември навремено е исплатена ноемвриската пензија. Тој ги информираше членовите на Управниот одбор и за работната средба со Фондот на ПИО на Црна Гора, која се одржала од…

Отпуштените службеници од ДУИ си послале кревет во канцеларија во министерството за односи со заедниците тврди министерот Иван Стоилковиќ на социјалните мрежи. „Ова е канцеларијата во Министерството за односи меѓу заедниците, инаку претворена во ова што го гледате, во која „работеа“ вчера отпуштените службеници кои, по некоја случајност се од ДУИ. По документирањето на состојбата истите се испратени да си спијат дома. Толку!“, напиша во описот на видеото министерот. Видеото погледнете го ТУКА.

Француските департмани Горна Корзика, Источни Пиринеи и Од се ставени под портокалов степен на метеоролошка тревога поради силно невреме што се очекува да трае до сабота, 27 декември, соопшти „Метео Франс“. Горна Корзика и Источните Пиринеи се под предупредување за обилни врнежи и ризик од поплави, додека во департманот Од, како и во Источните Пиринеи, се очекува значителен пораст на водостојот на реките, пренесува телевизијата БФМ. Од „Метео Франс“ наведуваат дека предупредувањето за поплави е издадено превентивно, со проценка дека поради интензивните дождови може да дојде до излевање на водотеците, особено во јужниот дел на Франција, во регионот Русијон. Во…

Руската Федерација назначи нов амбасадор во Скопје. Претседателот Владимир Путин потпиша указ со кој Дмитриј Зиков е именуван за нов извонреден и ополномоштен амбасадор на Руската Федерација во Република Северна Македонија. Информацијата е официјализирана преку документ објавен на рускиот официјален интернет портал за правни акти. Според текстот на указот: „Зиков Дмитриј Константиновиќ се именува за извонреден и ополномоштен амбасадор на Руската Федерација во Република Северна Македонија.“ Зиков стапува на функцијата во период на затегнати дипломатски односи меѓу двете земји, со оглед на тоа што Северна Македонија е на списокот на „непријателски држави“ на Русија.

Украинските власти тврдат дека нивните сили погодиле голема руска нафтена рафинерија користејќи британски ракети „Сторм Шедоу“, објави „Скај њуз“. Според украинските функционери, оваа рафинерија е еден од најголемите добавувачи на нафтени производи во јужна Русија и ги задоволува потребите на руската армија. Генералштабот на украинската армија соопшти дека британските ракети предизвикале повеќекратни експлозии во рафинеријата Новошахтинск во Ростов. Минатата година, Велика Британија ѝ дозволи на Украина да користи ракети „Сторм Шедоу“ за напади на територијата на Русија, потсетува „Скај њуз“. Во меѓувреме, украинските функционери истакнаа дека домашно произведени беспилотни летала со долг дострел погодиле танкери за нафта во руското пристаниште…

Британскиот крал Чарлс Трети во своето годишно божиќно обраќање ги повика луѓето на единство и помирување, нагласувајќи дека силата може да се најде во различноста на заедниците и дека тоа е патот за да победи доброто над лошото. Тој се осврна на духот на генерацијата која преживеала Втората светска војна, потенцирајќи дека таа се обединила за да се соочи со големите предизвици, развивајќи квалитети што го обликувале и Велика Британија и Комонвелтот, пренесува „Гардијан“. – „Сè помалку од нас, како што минуваат годините, се сеќаваат на крајот на Втората светска војна. Но, храброста и жртвата на нашите војници и начинот…

Руската пошта објави дека ја прекинува копнената достава на поштенски пратки во пет земји, меѓу кои балтичките држави, Словенија и Хрватска, соопшти поштата на својата веб-страница. Доставата со авион во овие земји продолжува, но, како што изјави прес-службата за Тас, не е познато кога повторно ќе биде воспоставена копнената достава. Странскиот партнерски превозник ја известил Руската пошта дека ќе ги пренесува пратките во овие земји само со авион. Исто така, Руската пошта го продолжи приемот на меѓународни поштенски пратки за Република Конго, Сомалија и Чад.