Author: Author 03

Пратеникот на СДСМ, Јован Митрески, на денешната седница посветена на пратенички прашања упати две прашања до министерот за економија и труд Бесар Дурмиши, а се однесуваа на минималната плата за која владата не сака да даде конкретни одговори, а е најниска во регионот, како и за високите цени за кои граѓаните не се задоволни, па дури одат и во соседни земји да пазарат. „Двете прашања се поврзани со минималната плата и со цените на артиклите. Јас знам дека денес дававте одговори, ги следам вашите изјави, вашите прес-конференции, секако и изјавите на премиерот. Некако кога се зборува за минималната плата и…

Вицепремиерот и министер за транспорт Александар Николоски предупредува граѓаните да бидат внимателни при купување станови. Тој советува да се купуваат станови кои се веќе изградени, со важечки имотен лист и употребна дозвола, за да се избегне ситуација во која граѓаните би останале без стан и без вложени средства доколку инвеститорите не можат да го завршат започнатиот објект. „Сакам да дадам едно предвидување, мислам дека не е добро, но ред е да го кажам за да внимаваат оние што инвестираат, односно купуваат. Би ги советувал да купуваат готови, односно изградени станови кои можат да ги видат, со важечки имотен лист, во…

Сообраќајот на државните патишта се одвива непречено, по влажни коловози. Намалена видливост поради магла до 100 метри има на планинските премини Стража-Маврово и Крушево, информира диспечерскиот центар на ЈП „Македонијапат“. На одредени патни правци кои поминуваат низ усеци и клисури можна е појава на поситни одрони. ЈП Македонијапат апелира на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.

Буџетот за 2026 година е доказ дека кога има ред, визија и работа, ќе има и резултати.Сакам искрено и од срце да се заблагодарам на сите советници кои го поддржаа, пишува на социјалните мрежи градоначалникот на Град Скоје, Орце Ѓорѓиевски. „Основниот Буџет на Град Скопје изнесува 5.201.600.000 денари, што претставува зголемување од 12,04% во однос на 2025 година. Ова зголемување е резултат на засилена и одговорна наплата на приходите во период од само месец и половина, со што на крајот на годината се очекува пренесен вишок од над 400 милиони денари. Дополнително, обезбедени се 260 милиони денари преку спогодба со…

Група одбранбени експерти предупредуваат дека Обединетото Кралство и неговите сојузници не се доволно подготвени за можен воен конфликт во Европа, кој, според нивните проценки, би можел да избие во наредните неколку години. Овие оценки биле изнесени на состанок одржан минатиот месец во Вајтхол. Меѓу експертите имало актуелни и поранешни припадници на вооружените сили, владини и НАТО функционери, како и претставници од одбранбената индустрија. Тие оценуваат дека Русија се подготвува за потенцијален директен судир со Европа и предупредуваат дека, покрај зголемувањето на буџетите за одбрана, неопходна е и суштинска промена во начинот на размислување кај европските влади и граѓаните. Според нив,…

Претседателот на Собранието, г. Африм Гаши заедно со потпретседателите и координаторите на пратеничките групи, оствариja работна средба со министерот за правда, г. Игор Филков, на која се разговараше за Изборниот законик. Договорено е до втората половина на јануари, Министерството за правда да формира работна група која ќе пристапи кон подготовка на Изборен законик, а во која ќе бидат вклучени по двајца Претседателот на Собранието, г. Африм Гаши претставници на политичките партии и независните пратеници. Министерот за правда, Игор Филков информираше дека Измени на Изборниот законик беа изготвени од Министерството за правда во јуни 2025 година. Во нив беа инкорпорирани дел…

Турската национална авиокомпанија „Туркиш ерлајнс“ ќе ѝ го префрли сопствеништвото на модифициран авион „Ербас А319-115J“ на Владата на Албанија, во рамки на билатерален договор за грант, како дел од напорите за унапредување на дипломатските и економските односи меѓу двете земји. Станува збор за авион вреден 11,9 милиони долари, регистриран под ознаката TC-GVC, со сериски број 1002, произведен во февруари 2000 година, кој и понатаму останува целосно сертифициран за летачки операции. Договорот е објавен денеска во Службен весник, пренесуваат албанските медиуми, повикувајќи се на „Туркије тудеј“. Во билатералниот договор се наведува дека донацијата има цел да ги зајакне „пријателските односи и…

Министерот за внатрешни работи Панче Тошковски изјави дека досегашните резултати од проектот „Безбеден град“ се исклучително позитивни, нагласувајќи дека за околу 20 проценти е намален бројот на повредени лица во сообраќајни незгоди. Говорејќи на седницата за пратенички прашања, Тошковски посочи дека намалувањето е евидентно и преку податоците од Клиниката за трауматологија при Клиничкиот центар. „Резултатите коишто досега се увидени и тоа како се позитивни. Јас би сакал од оваа говорница да упатам огромна благодарност до македонските граѓани заради тоа што тие се тие кои спасија човечки животи во изминатиов период… За околу 20 проценти е намален вкупниот број на третирани…

Во турскиот град Дијарбекир, тримесечно бебе го загуби животот откако неговата мајка го фрлила низ прозорец од четвртиот кат на станбена зграда. Мајката е приведена, а надлежните органи спроведуваат истрага за случајот, пренесува турскиот весник „Хуриет“. Инцидентот се случил во утринските часови во станбена зграда на улицата 477, во населбата Фират, во округот Кајапинар. Според првичните информации, Н.Е., која се породила пред три месеци, наводно доживеала нервен слом од засега непознати причини. Се наведува дека таа страдала од психолошки проблеми и дека инцидентот се случил во станот на нејзиниот свекор, каде што била на гости. По пријавата, на местото на…

Украинскиот претседател Володимир Зеленски остварил разговор со вселенскиот патријарх Вартоломеј, при што го информирал дека руските воени напади врз Украина не престанале ниту за време на бадниковите и божиќните празници, кои денес се одбележуваат според грегоријанскиот календар, пренесуваат украинските медиуми. „За жал, руската војска дури ни за Бадник и Божиќ не ги запре своите брутални напади врз Украина, енергетскиот сектор и нашиот народ. Во многу наши градови и села нема електрична енергија“, напиша Зеленски на својот канал на Телеграм. Тој додаде дека и денес руските сили повторно ги гранатирале градовите во источниот дел на земјата, јави украинската новинска агенција Укринформ.