Author: Author 03

Франција отвора конзулат во Гренланд во петок, 6 февруари, како што планираше минатата година, објави денес министерот за надворешни работи на земјата, Жан-Ноел Баро. Баро изјави за радио RTL дека Соединетите Американски Држави (САД) мора да престанат да го уценуваат Гренланд и да ја изразуваат својата желба да ја преземат контролата врз автономната данска територија, објави Ројтерс. „Напад врз друга членка на НАТО не би имал смисла, тој би бил и против интересите на САД и затоа оваа уцена мора да престане“, додаде Баро.

Данскиот министер за надворешни работи, Ларс Локе Расмусен, на прес-конференција во Вашингтон изјави дека Данска и САД имаат „фундаментални несогласувања“ околу судбината на Гренланд. Тој најави формирање на работна група на „високо ниво“ заедно со САД, со цел да се испита дали двете земји можат да најдат „заеднички пат“. Расмусен и министерката за надворешни работи на Гренланд, Вивијан Мотцфелд, денес се сретнаа со потпретседателот на САД, Џ.Д. Венс, и државниот секретар Марко Рубио во Белата куќа. Според данскиот министер, состанокот бил „отворен и конструктивен“, иако позициите на САД и Данска за иднината на Гренланд остануваат различни, објавува Би-Би-Си. Министерот потсети…

Утре времето ќе биде сончево со мала до умерена локална облачност, а по одделни котлини ќе има услови за појава на утринска магла. Ќе дува слаб до умерен ветер од западен и северозападен правец. Во Скопје, во утринските часови во делови од котлината е можно појава на магла, додека преку денот ќе преовладува сончево и тивко време со мала облачност. Во петок ќе се задржи стабилно и потопло време, со појава на утринска магла по котлините, а за време на викендот се очекува зголемена облачност и повремени локални врнежи од дожд, додека на планините ќе врне снег.

Поради планирани технички зафати на електродистрибутивната мрежа, утре (15 јануари 2026 година) без електрична енергија ќе останат повеќе населени места и делови од град Тетово, како и околината. Според најавата, прекините ќе започнат од 09:00 часот и ќе траат до 14:00, а на одредени локации и до 14:30 часот. Без струја ќе бидат објекти во населбата Дреноец, вклучувајќи ги деловите кај улицата 154, како и подрачјата во близина на маркетите „Кипер“, училиштето и поширокиот дел од населбата Дреновец. Исто така, електрична енергија нема да има во делови од град Тетово, поточно позади Старата тетовчанка кај Стариот бугарски пазар, како и…

Германската авио-компанија Луфтханза соопшти дека од утре ќе ги откаже сите летови кон и од Израел и ги повика своите вработени да се подготват за евентуално напуштање на земјата, пренесува израелскиот Канал 12. Засега не е познато што е причината за оваа одлука, а компанијата не даде дополнителни информации. Луфтханза моментално врши секојдневни летови од и кон аеродромот „Бен Гурион“ во близина на Тел Авив, со редовни релации кон главниот град на Германија. Медиумите, вклучително „Мирор“, истакнуваат дека оваа одлука е неочекувана, но детали за потенцијални ризици или причини за повлекувањето сè уште не се соопштени.

Француската центристичка влада на премиерот Себастиен Лекорну денес преживеа две гласања за недоверба во Националното собрание, јави ДПА. Само 256 и 142 од 577-те пратеници ја изгласаа недовербата на малцинската влада, што значи дека владиниот кабинет останува на функција. Двете гласања беа иницирани од десничарските националисти на Марин Ле Пен и од левичарската партија „Непокорна Франција“ (LFI), како реакција на незадоволство од трговскиот договор Меркосур. И покрај тоа што гласањето се однесуваше на владата, пратениците упатија остри критики и кон претседателот Емануел Макрон. Планираниот договор за слободна трговија на Европската Унија со четирите јужноамерикански земји – Бразил, Аргентина, Уругвај и…

Нема шанси повторно да се затвори царинска служба на граничен премин и тоа го нагласувам јасно, истакна министерот за заштита на граѓаните на Грција, надлежен за полицијата Михалис Хрисоходис говорејќи за блокадите на земјоделците, јави дописничката на МИА од Атина. Во интервју за радиото „Скај“, Хрисохоидис посочи дека Владата покажа огромна толеранција за сето она што се случува во економијата на земјата веќе 40 дена со протестите на земјоделците и се запраша „кој презема одговорност и затвора царини со денови, што значи илјадници камиони кои пренесуваат десетици или стотици илјади тони производи кои ја снабдуваат земјата и предизвикуваат милионски загуби?“,…

Данското Министерство за одбрана денес објави дека го проширува военото присуство во и околу Гренланд, распоредувајќи дополнителни капацитети на копно, море и во воздух. Активностите ќе се спроведуваат во координација со сојузници од НАТО, меѓу кои Франција, Германија, Шведска и Норвешка, кои ќе придонесуваат со војници, бродови и летала. Според данските вооружени сили, целта на оваа иницијатива е: „Да се зајакне способноста за дејствување во арктички услови и да се засили печатот на Алијансата на Арктикот, со корист и за европската и за трансатлантската безбедност.“ Во текот на 2026 година, активностите може да вклучуваат обезбедување критична инфраструктура, поддршка на локалните…

Пратеникот и член на ИК на ВМРО-ДПМНЕ, Миле Лефков истакна дека лидерската средба иницирана од претседателот на Владата, премиерот Христијан Мицкоски, претставува одговорен и државнички чекор насочен кон градење заеднички ставови за клучните реформски процеси и законите неопходни за напредокот на државата на патот кон Европската Унија.Лефков нагласи дека за разлика од претходните лидерски средби, кои се одржувале поради конкретни политички причини, оваа средба има за цел да отвори суштински дијалог меѓу сите политички чинители кои се чувствуваат одговорни за иднината на државата, со фокус на стабилноста, институционалната доверба и политичката зрелост.„И во минатото сме имале лидерски средби, меѓутоа тие…

САД ја суспендираше обработката на визи – ВМРО ја доведе Македонија во периметар со Сомалија, реагираат од СДСМ откако САД ја суспендираше обработката на визи и за Македонците. „САД од 21 јануари ја прекинуваат обработката на визи од 75 земји. Водечките американски и светски медиуми, од пред еден час објавија дека и Македонија е вклучена во групата со Сомалија, Сирија, Гана, Руанда, Бутан, Нигерија, Русија…за кои е суспендирана обработката на визи.Американската влада од 21 јануари ќе ја прекине обработката на визи од 75 земји, меѓу кои се Русија, Бразил, Иран, Северна Македонија, Босна и Херцеговина, Нигерија, Црна Гора, Албанија и Тајланд,…