Јавното претпријатие „Водовод и канализација“ – Скопје ја информира јавноста дека водата во скопскиот водовод е целосно безбедна за пиење, согласно најновите лабораториски испитувања.
Според неделниот извештај на Секторот за сообраќај и санитарна контрола, земени се вкупно 188 стручни примероци за физичко-хемиска и 188 примероци за микробиолошка анализа од 44 мерни места во градот. Резултатите од сите испитани мостри покажале дека водата целосно одговара на сите пропишани стандарди и нормативи.
Испитувањата се спроведени во периодот од 2 ноември до 6 ноември 2026 година, во рамки на редовните активности за следење на квалитетот на водата за пиење од сите градски извори.
Од ЈП „Водовод и канализација“ посочуваат дека континуирано вршат секодневни анализи за да се обезбеди квалитетна и здрава вода за сите жители на Скопје.