Дел од жителите на улицата „3-та Македонска бригада“ денеска ќе останат без вода поради дефект на водоводна цевка со профил од 150 милиметри.
Од ЈП „Водовод и канализација“ информираат дека прекинот во водоснабдувањето ќе започне во 08:30 часот и ќе трае до завршување на санацијата на дефектот.
Воедно, од претпријатието соопштуваат дека најавениот прекин на водоснабдувањето поради санација на дефектот на крстосницата меѓу улиците „Никола Парапунов“ и „Разловечко Востание“ се одложува за друг ден поради технички причини.