Почина проф. д-р Зоран Спировски, истакнат торакален хирург и поранешен директор на Клиниката за торакална и васкуларна хирургија.
Веста за неговата смрт ја соопшти министерот за здравство Сашо Клековски преку објава на својот Фејсбук-профил.
Клековски во објавата истакна дека Спировски со децениската работа оставил значаен белег во македонското здравство, како преку грижата за пациентите, така и преку едукацијата на новите генерации лекари.
– Торакален хирург со децениски стаж, поранешен директор на Клиниката за торакална и васкуларна хирургија и професор на Медицинскиот факултет во Скопје, проф. Спировски остави длабока трага во македонското здравство. Им помогна на безброј пациенти, а генерации млади хирурзи ги учеше на знаење, посветеност и човечност – напиша Клековски.
Министерот упати сочувство до семејството, колегите и сите што го познавале.