Делови од Белимбегово, Чаир, Карпош и Гази Баба денеска ќе бидат без електрична енергија поради планирани интервенции на електродистрибутивната мрежа.
Од Центарот за управување со кризи, повикувајќи се на информации од ЕВН Македонија, информираат дека прекинот во Белимбегово, кај мостот, ќе трае од 08:30 до 11:15 часот поради работни активности во ТС Белимбегово.
Во општина Чаир, од 09 до 12 часот без струја ќе бидат улиците „Струмичка“, „Ќемал Сејфула“ и „Вуковарска“. Дополнително, од 12 до 15 часот прекин ќе има и на делови од улиците „Крсте Асенов“ и „Емин Дураку“, поради активности во ТС Чаир.
Во општина Карпош, прекин на електричната енергија е најавен од 09 до 11 часот на улиците „Леринска“ и „Багдатска“.
Без струја ќе остане и дел од селото Јурумлери во општина Гази Баба, во периодот од 11:45 до 15 часот.