Токму последиците од Преспанскиот договор и добиеното вето од Франција, а потоа и од Бугарија, за кое, како што беше наведено, не било најавувано од СДСМ, беа во фокусот на изјавата на Антонио Милошоски, член на ИК на ВМРО-ДПМНЕ и пратеник, во гостување во дебатната емисија „Анализа“ на телевизија 24, се наведува во соопштението од ВМРО-ДПМНЕ, што МИА го пренесува интегрално.
Тој истакна дека, и покрај кампањата за подобрување на животниот стандард и евроинтеграциите, по референдумот и меѓународната поддршка од тогашни европски лидери, наместо отворање на преговори, државата добила вето.
Милошоски оцени дека идните чекори во надворешната политика треба да бидат преземани внимателно и со јасни гаранции, со цел обезбедување реален напредок во евроинтегративниот процес.
„Поучени од ова разочарување и од брзоплето прифаќање на обврски, кои не резултираа со постигнување на целта и доведоа до разочарување во општеството, сметаме дека не треба да се продолжи на ист начин со преземените обврски кон соседна Бугарија“, изјави Милошоски.