Танкер што пловел северно од брегот на Катар бил погоден од повеќе ракети, при што има и жртви, соопшти во среда британската агенција за поморска безбедност UKMTO.
Инцидентот се случил на околу 51 наутички милји, односно приближно 94 километри северно од катарскиот брег, поточно во близина на градот Мадинат ал-Шамал. Од UKMTO потврдија дека бродот пријавил оштетувања од „повеќе ракети“, но засега нема прецизни информации за потеклото или типот на проектилите, како и за тоа кој стои зад нападот.
Воедно, во нападот има загинати и повредени лица, но нивниот точен број и сериозноста на повредите сè уште не се официјално соопштени. Името на танкерот, знамето под кое плови и неговата рута остануваат непознати.
Надлежните поморски власти и меѓународните органи веднаш отворија истрага за целосно расчистување на околностите околу овој сериозен инцидент.