Во пресрет на 14 Април – Денот на Царинската управа, ќе се одржат настани „Отворен ден со Царинската управа“. Првиот настан е денеска од 10 до 13 часот на градскиот плоштад во Куманово.
Царинската управа соопшти дека целта на настаните е да ја подигнат свеста кај граѓаните за значењето на институцијата во заштитата на економијата и безбедноста на државата.
Посетителите ќе можат одблизу да се запознаат со задачите на мобилните царински тимови и опремата што ја користат во секојдневната работа. Програмата вклучува демонстрации на вештините на царинските кучиња и претставување на специјализираната опрема, вклучувајќи скенер за товарни возила, кој се користи за откривање на стоки предмет на криумчарење.