Потпретседателот на Собранието, Антонијо Милошоски денеска оствари средба со Мириам Лексман, пратеничка во Европскиот парламент. На средбата присутвуваше и пратеничката Рашела Мизрахи.
Како што информираат од собраниската прес-служба, посетата на македонското Собрание била искористена за разговори поврзани со политичките односи во регионот и перспективите на државите од Западниот Балкан во процесот на ЕУ интеграциите.
Соговорниците заеднички истакнале дека членството во ЕУ е заемно корисно за стабилноста, безбедноста и економскиот просперитет на Регионот и Европа во целина. Истовремено, било изразено задоволство за многу добрите словачко-македонски билатерални односи.
Како што посочуваат од Собранието, соговорниците размениле мислења за актуелните меѓународни теми, поврзани со Украина и Иран.