Во пресрет на големите божиќни празници, сопругата на премиерот, Рози Мицкоска, заедно со градоначалникот на Град Скопје, Орце Ѓорѓиевски и неговата сопруга Мартина, испратија силна порака за солидарност. Тие денеска во соработка со познатиот готвач Марк Де Јонг и учениците од СУГС „Лазар Танев“, подготвија повеќе од 250 топли оброци.
Хуманитарниот настан се одржа во пунктот за бездомници на Црвениот крст, каде секој оброк значеше грижа и надеж за најранливите категории граѓани.
„Среќата е најголема кога се споделува со другите, од срце! Во време кога дел од нашите сограѓани се соочуваат со тешки животни предизвици, наша човечка и општествена обврска е да подадеме рака. Затоа што хуманоста не е избор, туку темел на едно здраво општество“, истакна градоначалникот Ѓорѓиевски.