УХМР ги измери температурите во осум часот во градовите низ Македонија. Така, најтопло ова утро е во Кавадарци со 26 степени во осум часот, а најниска утринска температура е забележана во Берово, 16 степени.
Во Скопје ова утро во осум часот се измерени 22 степени.
Денес времето ќе биде сончево и исклучително топло, со мала локална облачност и слаб до умерен ветер од променлив правец, информира Управата за хидрометеоролошки работи (УХМР).
Утринските температури ќе се движат меѓу 10 и 20 степени, додека максималните дневни температури ќе достигнат од 33 до 40 степени Целзиусови.
Во Скопје се очекува сончево и многу топло време, со слаб ветер од променлив правец. Утринската температура ќе биде околу 17 степени, а дневната ќе се искачи до 38 степени.
Според најавите на УХМР, топлотниот бран ќе продолжи и во следните неколку дена, при што на одредени места температурите ќе надминат 40 степени. Од четврток па сè до крајот на неделата, во попладневните часови ќе има услови за развој на локална нестабилна облачност, со можност за краткотраен пороен дожд и грмежи.