Автобус со македонски регистарски таблички синоќа целосно излетал од автопатот кај местото Добановци во Србија. Како што јавуваат српските медиуми, незгодата се случила на правецот од градот кон излезот.
Засега нема официјални информации за состојбата на патниците и возачот на автобусот. Според првичните извештаи од местото на настанот, возач на друг автобус веднаш застанал за да им помогне на загрозените.
Сообраќајната незгода се случува во услови на исклучително тешки временски услови во соседна Србија, каде од вчера паѓа силен снег.
„Од вчера речиси цела Србија е под снег. ЈП „Патишта на Србија“, врз основа на Извештајот на Штабот за зимска служба во 5:09 часот наутро, објави дека има снег на многу делници од најпрометните патни правци од првиот, како и од вториот и третиот приоритет за одржување, со дебелина до пет сантиметри, додека површината на патот е важна, поради што се препорачува внимателно возење“, пренесуваат медиумите од соседството.
Надлежните служби во Србија работат на расчистување на теренот, а повеќе детали за причините за излетувањето на македонскиот автобус се очекуваат во текот на денот.