Американскиот претседател Доналд Трамп сака телефонски да разговара со европските шефови на држави и влади за тековните напори за ставање крај на војната во Украина, изјави денеска висок американски функционер.
Сè уште е нејасно кога точно ќе се одржи телефонскиот разговор, јавува ДПА. Американскиот функционер го спомена телефонскиот повик додека зборуваше за денешната вечера одржана во Берлин меѓу шефовите на држави и влади.
Украинска и американска делегација се од вчера во Берлин, каде разговараат за мировен план од 20 точки за Украина, која беше нападната од Русија во 2022 година.
Американската делегација ги вклучува специјалниот пратеник Стив Виткоф и зетот на Трамп, Џаред Кушнер. Русија не е вклучена во разговорите.