Американскиот претседател Доналд Трамп изјави дека има луѓе кои ги мрази и дека нема да им прости дури и ако тоа претставува услов за негов влез во рајот по смртта. Во своето гостување, тој нагласи дека неговите противници се исклучително штетни за државата и дека сака да остане искрен со своите ставови.
За време на емисијата „60 минути“ на Си-Би-Ес, прашањето било насочено кон тоа дали би им простил на личности како поранешниот директор на ФБИ, Џејмс Коми, и лидерката на демократите во Сенатот, Ненси Пелоси, со оглед на претходните несогласувања. Трамп одговорил дека тоа би било спротивно на неговиот карактер поради нивната нечесност.
Во интервјуто тој отворено истакна:
„Ги мразам некои од моите непријатели и секогаш ќе ги мразам“
Појаснувајќи го својот став, тој додаде:
„Па, тоа не би бил јас, нели? Одговорот е не, сакам да бидам искрен, не. Тие се исклучително нечесни луѓе, многу лоши луѓе, многу лоши за нашата земја. Веројатно не можам да го направам тоа, не, бидејќи ги мразам некои од моите непријатели и секогаш ќе го правам тоа.“
На прашањето за сопствената судбина по смртта, Трамп истакна дека се смета себеси за религиозна личност и очекува да замине во рајот.