По неколкуте стабилни денови, од средината на следната седмица се очекува промена на времето со услови за локални врнежи од дожд, најмногу во североисточните делови од земјата.
До вторник времето ќе биде претежно стабилно, со сончеви периоди и умерена облачност. Ќе дува слаб до умерен, а долж Повардарието и во источните делови засилен северен ветер.
Во Скопје, времето ќе биде променливо облачно со сончеви периоди и умерен северен ветер, кој повремено ќе засилува во делови од котлината. Во понеделник и вторник се очекува слична состојба — сончево со умерена облачност и северен ветер, поизразен долж Повардарието.
Од среда следува дестабилизација на атмосферата и период на променливо облачно време со услови за повремени локални врнежи од дожд. Ќе продолжи да дува слаб до умерен ветер од северен правец