Расте бројот на македонски државјани кои пријавуваат дека се затечени во загрозените подрачја на Блискиот Исток. Од Министерството за надворешни работи и надворешна трговија за МИА информираат дека досега повеќе од 150 граѓани се обратиле до амбасадите во Тел Авив, Доха и Абу Даби за информации и можности за евакуација.
Со сите нив се одржува постојан контакт, а доколку се пријават за евакуација, Министерството ќе преземе подготвителни активности за нивно безбедно враќање.
– Министерството преку дежурниот телефонски број и преку дипломатско-конзуларните претставништва и понатаму е целосно на располагање на граѓаните. Уште еднаш ги повикуваме сите наши државјани во регионот да ги почитуваат упатствата и насоките на локалните безбедносни органи, велат од МНР.
Поради состојбата на Блискиот Исток, Министерството од вчера функционира со кризен штаб кој е на 24-часовно располагање за сите информации и асистенција на граѓаните.
За дополнителни информации и помош, на располагање се:
СОС дежурен телефон (МНРНТ):
075/273-732
Амбасада на Република Северна Македонија во Доха
Тел: +974 50 173 111
Амбасада на Република Северна Македонија во Абу Даби
Тел: +971 56 441 7532
Амбасада на Република Северна Македонија во Тел Авив
Тел: +972 54 500 8566
Тел: +972 54 967 0546.