На регионалниот пат Плачковица – Штип се случила тешка сообраќајна несреќа во која учествувале три патнички возила. Во судирот, кој се случил во текот на вчерашниот ден, со тешки телесни повреди се здобила една сопатничка, на која помош ѝ била укажана во штипската болница, додека возачот на едно од возилата управувал без соодветна документација.
Полициски службеници од СВР Штип веднаш излегле на терен по пријавувањето на настанот.
„Вчера во 14:42 часот во СВР Штип е пријавено дека на регионалниот пат Плачковица – Штип, во насока од с.Таринци кон с.Стар Караорман, штипско, се случила сообраќајна несреќа помеѓу патничко возило „фолксваген пасат“ со штипски регистарски ознаки, управувано од Б.М. (21) од с. Јунузлија, општина Карбинци (кој го управувал возилото без возачка дозвола), патничко возило „рено клио“ со штипски регистарски ознаки, управувано од Р.К.(45) од Штип и патничко возило „опел зафира“ со штипски регистарски ознаки, управувано од С.М.(47) од Штип.“
Повредената жена веднаш била пренесена во медицинска установа за санирање на повредите.
„Сопатничката од возилото „фолксваген пасат“ Д.М.(50) од с.Јунузлија се здобила со тешки телесни повреди, констатирани во Клиничка болница Штип.“