Членовите на Комисијата за економски прашања, труд и енергетска политика, Комисијата за транспорт, дигитална трансформација, животна средина и просторно планирање и Комисијата за европски прашања при Собранието ќе одржат заеднички состанок со претставници од Секретаријатот на енергетската заедница.
На состанокот, според информирањето од собраниската прес-служба, ќе биде извршена презентација на Извештајот за имплементација на законодавството на Енергетската заедница во Република Северна Македонија за 2025 година, кој ќе го презентира директорот Артур Лорковски. Темата на состанокот ќе се фокусира на тековната имплементација на законодавството, предизвиците во усогласувањето со правилата на Енергетската заедница и можностите за подобрување на енергетската политика во земјата.