Продолжувањето на вооружениот конфликт во Украина ќе предизвика уште поголема штета за Киев, изјави словачкиот министер за одбрана Роберт Калињак во интервју за локалниот весник „Правда“.
„Колку подолго трае конфликтот, толку поголема штета ќе предизвика на Украина“, рече Калињак, додавајќи дека, според него, Киев имал можност да постигне поповолен договор со Русија уште на почетокот на војната.
Тој оцени дека околностите во меѓувреме значително се промениле и дека Европската Унија повеќе нема ниту финансиски, ниту човечки ресурси за да продолжи со сеопфатна поддршка на Украина.
„Европа е уморна. Никој не сака да ги испраќа своите војници, а земјите-членки на ЕУ веќе се двоумат кога станува збор за понатамошно финансирање. Затоа се повеќе се зборува за користење на блокирани руски средства“, истакна словачкиот министер за одбрана.
Во меѓувреме, американскиот претседател Доналд Трамп предупреди дека продолжувањето на конфликтот во Украина може да доведе до избувнување на трета светска војна.