Силно невреме со бурни налети на ветер денеска го зафати Скопје, по што екипите на градските јавни претпријатија веднаш излегоа на терен.
Градоначалникот на Скопје, Орце Ѓорѓиевски, информираше дека булеварите се проодни, а во тек е расчистување на паднатите дрвја и гранки.
„Скопје денес го зафати силно невреме со бурни налети на ветер.
Природата не можеме да ја спречиме, но реагиравме брзо, организирано, навремено и одговорно.
Екипите на градските јавни претпријатија веднаш излегоа на терен – булеварите се проодни, а паднатите дрвја и гранки интензивно се расчистуваат.
Ќе бидеме будни и на терен во текот на целата ноќ.
Скопје нема да остане само ниту во најтешките моменти“, напиша Ѓорѓиевски.
Тој додаде дека екипите ќе останат на терен во текот на целата ноќ и ќе продолжат со интервенции на локациите каде што има потреба.