Close Menu
Press24
    Најново

    Македонец предизвика голема полициска акција во Швајцарија

    30.10.2026 во 23:51

    Милијарди долари под знак прашалник: Хакери ја нападнаа најголемата криптоберза „Бајнанс“

    30.10.2026 во 23:29

    Масовни протести и судири со полицијата во Италија: Осуммина уапсени, користени водени топови во Рим и Торино

    30.10.2026 во 23:18
    Facebook X (Twitter) Instagram
    • Македонец предизвика голема полициска акција во Швајцарија
    • Милијарди долари под знак прашалник: Хакери ја нападнаа најголемата криптоберза „Бајнанс“
    • Масовни протести и судири со полицијата во Италија: Осуммина уапсени, користени водени топови во Рим и Торино
    • Прво обраќање на Криста Пајк по неуспешната егзекуција: „Болката е и во мојот ум и во душата“
    • Илјадници луѓе на улиците на Франција по крвавиот масакр
    • САД наредија евакуација на дел од дипломатскиот персонал од Саудиска Арабија
    • Врховниот суд ја потврди казната: 12 години затвор за Стојанче Јовановски
    • УХМР со најнови мерења: Еве каде е најстудено вечерва во Македонија
    • Најново
    • Популарно
    • Маркетинг
    • Импресум
    Facebook Instagram TikTok
    Press24Press24
    • Насловна
    • Македонија
      • Политика
      • Скопје
      • Црна хроника
    • Бизнис
    • Свет
      • Регион
    • Забава
    • Спорт
    • Технологија
    • Интервју
    Press24
    Home » Скопјани прават најмногу отпад – Секој Македонец лани создал по 417 килограми ѓубре

    Скопјани прават најмногу отпад – Секој Македонец лани создал по 417 килограми ѓубре

    07.07.2026 во 10:08Updated:07.07.2026 во 10:093 Mins Read
    ДЗС
    Сподели
    Facebook Twitter WhatsApp

    Во текот на минатата година во земјава биле создадени вкупно 755,7 илјади тони комунален отпад, што значи дека секој жител во просек создал по 417 килограми ѓубре.

    Податоците покажуваат дека количината на отпад е намалена за околу пет проценти во споредба со 2024 година, односно се создадени околу 20 килограми помалку отпад по жител. Просекот е понизок и во однос на европските земји.

    Од вкупната количина на создаден комунален отпад, речиси 640 илјади тони завршиле на депониите. Иако граѓаните создале помалку отпад, комуналните претпријатија собрале поголеми количини во споредба со претходната година.

    Според Државниот завод за статистика, зголемувањето на собраниот отпад се должи на проширувањето на системот за колективно собирање и вклучувањето на поголем број населени места, пренесе МИА.

    Статистиката го опфаќа и отпадот од економските активности. Индустријата во 2024 година создала околу 1,2 милиони тони отпад, што изнесува приближно 655 килограми по жител годишно. Оваа количина е значително пониска во споредба со европскиот просек, каде индустрискиот отпад по жител во некои земји достигнува и неколку илјади килограми годишно.

    Најголем дел од комуналниот отпад во земјава потекнува од домаќинствата. Според податоците, дури 84 проценти од вкупното количество отпад го создаваат граѓаните во своите домови, додека преостанатите 16 проценти доаѓаат од комерцијалниот сектор – продавници, ресторани и канцеларии.

    Анализата на составот на отпадот покажува дека селекцијата сè уште е на ниско ниво. Најголемиот дел, односно околу 553 илјади тони, е мешан комунален отпад. Од селектираниот отпад, најголем удел има органскиот отпад со околу 35 илјади тони, потоа пластиката со 15,5 илјади тони и хартијата со околу 10 илјади тони, додека количината на издвоен метал е минимална.

    Најголеми количини отпад се создаваат и собираат во Скопскиот Регион, додека најмалку отпад се регистрира во Североисточниот Регион.

    Во однос на индустрискиот отпад, Македонија е меѓу европските земји со пониски количини. Кај нас годишно се создаваат околу 655 килограми индустриски отпад по жител, додека просекот во Европската Унија е приближно 4.850 килограми.

    Иако Германија создава најголеми количини индустриски отпад во ЕУ, голем дел од него повторно се враќа во производниот процес. Сличен пример е и Словенија, која создава повеќе индустриски отпад од Македонија, но има значително повисок степен на негово рециклирање и преработка.

    Како посебен проблем кај македонските податоци се издвојува уделот на опасниот, односно токсичен отпад. Во земјава тој претставува околу една четвртина од индустрискиот отпад, додека во Европската Унија учеството е околу пет проценти, што се поврзува со поразвиените технологии за обработка и неутрализација на отпадот уште во производните капацитети.

    Just In Top News
    Прочитај повеќе

    Врховниот суд ја потврди казната: 12 години затвор за Стојанче Јовановски

    30.10.2026 во 22:37

    УХМР со најнови мерења: Еве каде е најстудено вечерва во Македонија

    30.10.2026 во 22:18
    Facebook X (Twitter) Instagram
    • Насловна
    • Најново
    • Импресум
    • Маркетинг
    Њу Медиа Комјуникејшн © 2010 | сите права заштитени

    Type above and press Enter to search. Press Esc to cancel.