Европа во моментов се соочува со метеоролошки феномен кој не е забележан со децении. Додека југозападниот дел на континентот „гори“ под влијание на африкански топлотен бран, северниот дел е заковен во лед. Температурната разлика меѓу Шпанија и Норвешка достигна фрапантни 60 степени Целзиусови.
Во северниот дел на Шпанија вчера беа измерени неверојатни 28 степени, што е за 20 степени над просекот за февруари. Слична е состојбата и во Франција и Португалија, каде термометрите покажуваа над 26 степени, а топлата воздушна маса веќе пристигна и до Англија.
Од друга страна, во северна Норвешка и на североистокот од Европа владее вистински поларна зима со температури кои паднаа до -26 степени. Научниците предупредуваат дека оваа „топлинска купола“ ќе се задржи и во наредните денови, ширејќи го топлото време подлабоко кон внатрешноста на европското копно.