Вицепремиерот и министер за европски прашања, Беким Сали денеска порача дека напредокот кон Европската Унија бара спроведување реформи и резултати што граѓаните ќе ги чувствуваат во секојдневниот живот.
-Напредокот кон Европската Унија бара реформи што се спроведуваат и резултати што граѓаните ги чувствуваат во секојдневниот живот – напиша Сали на Фејсбук статусот по состанокот во Владата со кој претседаваше премиерот Христијан Мицкоски посветен на Реформската агенда.
Тој информира дека на денешниот состанок посветен на Реформската агенда биле разгледани тековните активности, приоритетите и динамиката на спроведување на предвидените мерки.
-Наша одговорност е секоја институција навремено да ги исполни своите обврски, со јасни цели и континуирана координација – истакна Сали.
Според него, Министерството за европски прашања останува посветено на остварување мерливи резултати преку поефикасни институции, владеење на правото и подобри услови за економски развој.
-Исполнувањето на Реформската агенда е вложување во довербата на граѓаните и во нашата европска иднина – наведува вицепремиерот Сали.