Американската амбасада во Киев попладнево издаде драматично предупредување до своите државјани, но и до пошироката јавност, за потенцијално разорен воздушен напад кој би можел да се случи во секој момент. Според разузнавачките информации со кои располага Вашингтон, заканата е „многу сериозна“ и се однесува на наредните неколку дена.
Од амбасадата нагласуваат дека нападот може да биде од големи размери и да ја опфати целата територија на Украина. Американските дипломати упатија итен апел: секој звук на сирена да се сфати максимално сериозно и граѓаните веднаш да се упатат кон најблиските скривници.