Концертот на пејачката Јелена Томашевиќ во Бар беше прекинат вечера откако уметницата ненадејно се струполи на сцената на Културниот центар.
По овој повод, Општина Бар објави и ја откри состојбата на пејачката, откако ѝ беше укажана итна медицинска помош.
Го објавуваме соопштението во целост:
„Општина Бар ја информира јавноста дека пејачката Јелена Томашевиќ, чиј концерт претходно беше прекинат поради здравствени проблеми, се чувствува добро по добивањето медицинска помош.
За време на настапот, на уметницата ѝ се слоши на сцената, по што медицинскиот тим брзо реагираше и ѝ ја пружи потребната помош. Според информациите од нејзиниот тим, здравствената состојба на Јелена сега е стабилна.
Сакаме да им се заблагодариме на Одделот за итна медицинска помош во Бар за нивниот брз и професионален одговор, како и на лекарите кои се најдоа во публиката и веднаш ѝ притрчаа на помош. Сакаме да изразиме посебна благодарност до публиката за нивното разбирање и смиреност.“