Група деца од општина Гази Баба покажаа вистински пример за грижа кон сопствената средина откако самоиницијативно се организираа да го расчистат спортскиот терен по силното невреме.
Поројниот дожд и силниот ветер зад себе оставија паднати гранки и отпад на игралиштето, оневозможувајќи ги вообичаените активности.
Ваквиот хуман и одговорен гест беше споделен во социјалните мрежи од страна на локална жителка, која упати јавна пофалба за нивниот ангажман.
Во објавата на фејсбук групата „Ѕид на општина Гази Баба“, граѓанката го сподели следното сведоштво:
„После дождот сонцето доаѓа, дечките само иницијатовно си го исчистија и својот терен, отпадоците беа запрепастувачки, гранките ги изчистија од невремето. Си имаме ние и добри момци, воспитани и грижливи за својата средина!“