СВР Охрид поднесе кривична пријава против Г.М.(48) од селото Подмоље, општина Дебрца, поради постоење основи на сомнение за сторени кривични дела „неовластено производство и пуштање во промет на наркотични дроги, психотропни супстанции и прекурсори“ по чл.215 и „неовластено изработување, држење, посредување и тргување со оружје или распрскувачки материи“ по чл.396 од Кривичниот законик.
На 30.10.2025 при претрес во неговиот дом, извршен по судска наредба, полициските службеници пронајдоа и одзедоа кутија со 25 куршуми и паковка со кокаин.
При претрес извршен на 31.10.2025, по судска наредба, во поранешен угостителски објект во селото Мешеишта, општина Дебрца, што тој го користел, пронајдени и одземени се вкупно 1357 парчиња муниција различен калибар, 488 стебла од растението канабис, еден метален сандак со куршуми калибар 7,62 милиметри, два стари револвери, еден пиштол калибар 7.65 милиметри, две автоматски пушки, еден тромблонски држач, едно тело и една иницијална каписла од рачна бомба, кои, нелегално ги поседувал.
Актуелно
- Спасени над 300 срни од замрзнатите сибирски езера
- Од Брисел во Виена: Муцунски на 32-от Министерски состанок на ОБСЕ
- Среќа под зимското небо: Декември 2025 како месец на нови почетоци
- Утре е голем празник за верниците: Воведение во храмот на Пресвета Богородица
- Мајли Сајрус потврди дека е свршена со музичарот Макс Моранд
- Топаловски од СВР Скопје: Казните ќе се повлекуваат ако возач брзал во болница, но ќе се казни ако завршил на кафенце
- Македонци масовно ја симнуваат апликацијата што ги открива камерите на „Сејф Сити“
- Вицепремиерот Николоски од Брисел: Важни средби во интерес за Македонија
