Премиерот Христијан Мицкоски денеска ќе присуствува на промоцијата на капиталниот проект на АД ЕСМ „Ревитализација на хидроелектраните – Фаза 3“, со кој официјално започнува новата фаза од модернизацијата на хидроенергетските капацитети во земјава.
Настанот ќе се одржи во Музејот на Град Скопје, каде АД ЕСМ ќе ја презентира третата фаза од проектот за ревитализација на хидроелектраните.
Во рамки на настанот ќе биде отворена и изложбата „Моќта на водата ја преточуваме во енергија“, посветена на развојот на хидроенергетиката и значењето на обновливите извори на енергија.
Проектот е кофинансиран од Европската Унија, германската развојна банка KfW и Владата на Сојузна Република Германија.