Силен циклон проследен со обилни врнежи од дожд, грмотевици и значително падот на температурите во изминатите денови предизвика поплави и први снежни врнежи во Грција.
Во некои региони наврнаа повеќе од 200 литри дожд на квадратен метар, што доведе до појава на порои.
Есенскиот студен бран донесе и снег на планините во северозападниот дел од Грција, на надморска височина над 1.500 до 2.000 метри, каде што беа измерени повеќе од 10 сантиметри нов снежен покривач.
Температурите во овие региони се спуштија под нулата, додека во пониските предели паднаа до 5 степени. Снегот и ниските температури целосно замрзнаа неколку населени места и патни правци во планинските подрачја.
Метеоролозите најавуваат дека за време на викендот Грција ќе биде погодена од нов силен циклон на голема надморска височина.
Најобилни врнежи од дожд се очекуваат во регионот на Егејското Море, каде што постои повторен ризик од поплави.
Во планините на северозападна Грција се прогнозираат нови снежни врнежи над 1.500 метри надморска височина, кои би можеле да донесат дополнителни 20 сантиметри снег.
Поради тоа што снегот е влажен и тежок, властите предупредуваат дека неговата тежина може да предизвика кршење на гранки и дрвја, како и оштетувања на електричната мрежа и далноводите.