Во емисијата „Само интервју“ на Канал 5 телевизија гостуваше пратеникот од редовите на ВМРО-ДПМНЕ, Бране Петрушевски. Тој истакна дека европскиот процес е еден од врвните приоритети на Владата и додаде дека истото се докажува со денешниот брифинг, каде се презентирало до каде сме и она коешто планираме да го преземеме во иднина. Петрушевски нагласи дека претходната влада на СДС и ДУИ го закочила овој процес со прифаќање на апсурден француски предлог.
„Претходната влада на СДСМ ДУИ го закочија овој процес прифаќајќи еден апсурден француски предлог којшто ни ги закочи преговорите“, дециден е Петрушевски.
Пратеникот Петрушевски укажа дека Владата предводена од ВМРО-ДПМНЕ работи со цел да ја надмине блокадата којашто ја затекнале од претходната влада. Тој додаде дека потребно е со национално достоинство и заштитен идентитет да се надминат пречките и да имаме еден нормален, предвидлив процес на евроинтеграција.
„Она коешто ние го работиме е да најдеме начин да го надминеме тој процес. Да ја надминеме таа блокада во којашто ја затекнавме од претходната влада, да најдеме начин како со национално достоинство, заштитен идентитет и гордост да ги надминеме тие пречки и нормално преку Копенхашките критериуми да ја донесеме Европа тука и да имаме еден нормален, предвидлив процес на евроинтеграција, како што го имала впрочем секоја држава којашто претходно пристапувала“, рече Петрушевски.