Основното јавно обвинителство Скопје донесе наредба за спроведување истражна постапка против четири лица кај кои викендов беа пронајдени различни количества наркотична дрога.
Сите четири лица се сомневаат за кривично дело „Неовластено производство и пуштање во промет наркотични дроги, психотропни супстанции и прекурсори“ согласно член 215 став 1 од Кривичниот законик.
Во првиот случај се опфатени татко и син (50 и 19 години), кои во домот на улицата „Македонско-косовска бригада“ држеле околу пет килограми марихуана спремна за продажба и три дигитални ваги.
Истрага е поведена и против 25-годишник од Арачиново, кај кого при претрес биле пронајдени 1,8 килограми марихуана поделени во десет пакувања и дигитална вага.
Третиот случај се однесува на 23-годишен жител на скопската населба Аеродром, кој во напуштена подрумска просторија на булеварот „АСНОМ“ криел повеќе видови дрога.
Кај него се пронајдени 640 грама амфетамин, 541 таблета, 69 картончиња ЛСД, како и траги од кокаин и канабис на вагите за мерење.
За сите четирите осомничени лица, надлежниот јавен обвинител до достави предлог до Основниот кривичен суд за определување мерка притвор.