Полициска контрола во угостителски објекти во Охрид открила дека на малолетници им се точело алкохол. Рациите биле спроведени доцна ноќеска, педесет минути по полноќ.
Службениците влегле во кабаре на булеварот „Железничка“ и во уште еден објект на улицата „Кузман Јосифоски Питу“. Таму затекнале малолетни лица на кои им било овозможено да консумираат алкохолни пијалаци.
Поради ова прекршување, сопствениците и одговорните лица ќе се соочат со сериозни законски последици, вклучително и кривична одговорност.
„На 30.11.2025 година во 00:50 часот, при контрола во кабаре лоцирано на булевар „Железничка“ и во угостителски објект на улица „Кузман Јосифоски Питу “ во Охрид, утврдено е присуство на малолетни лица на кои им било овозможено, точење и консумирање алкохол. По целосно документирање на настанот, против правните и одговорните лица, ќе бидат поднесени пријави согласно член 21 од Законот за прекршоци против јавниот ред и мир и членот 204 од Кривичниот законик“, велат од СВР Охрид.