Советот на јавните обвинители на Република Северна Македонија денеска ја одржува својата 46-та седница.
На дневен ред се повеќе точки поврзани со организацијата и функционирањето на обвинителството, меѓу кои разгледување и оценување на Годишниот извештај за работата на Вишото јавно обвинителство во Штип.
Советот ќе расправа и за предлог-измени и дополнувања на Правилникот за внатрешна организација на работните места, како и за утврдување динамика за донесување на подзаконски акти согласно законските обврски.
Во рамки на седницата е предвидено донесување одлука за определување вршител на должноста Виш јавен обвинител во Вишото јавно обвинителство Скопје, до избор на нов носител на функцијата, како и одлука за престанок на функцијата на јавен обвинител поради исполнување услови за старосна пензија.